როგორც კი ჰარი და რონი საკუჭნაოდან გამოვიდნენ, რონის ოთახში შევიდნენ და კარი ჩარაზეს.
- მოდი ამ კომოდის გვერდზე გაწევაში მომეხმარე!- ხელით ანიშნა უშველებელ კომოდზე რონმა ჰარის.
- ეხლავე!- რონთან მივიდა ჰარი ფარდების ჩამოფარების შემდეგ.
ერთად გაათრიეს კომოდი და მის ქვეშ
იატაკზე ამოჭრილი წრე გამოაჩინეს, წრის ქვევით კი გვირაბი მიდიოდა.
- რონ, ეს საოცრებაა!
- ახლა მაგისი დრო არ არის, აი ეს ფანარი გამომართვი ჰარი!- პატარა, მაგრამ ძალიან მძიმე ელექტროფანარი მიაწოდა რონმა ჰარის და გაკვირვებულმა შეხედა - ჩახტი რას ელოდები!- და ჰარი გვირაბში ჩააგდო, მერე თვითონაც ჩაძვრა, ხელი ამოყო და კომოდის ძირზე მიკრულ სახელურს გამოსდო, მერე კი კომოდი როგორღაც ისე გამოაჩოჩა, რომ წესიერად გამოჩენილიყო.
ბოლომდე რომ ჩაძვრა რონმა ჰარის ფანარი გამოართვა და ჩურჩულით უთხრა- ახლა სასტუმრო ოთახის გვერდით გავდივართ და არ არსებობს იქ რომ ვინმე არ იყოს!
ჰარიმ თანხმობის ნიშნად თავი დაუქნია.
ცოტა ხანში სადაც გავიდნენ და იქაურობა კარგად მოათვალიერეს.
- ბნელ ტყეში ვართ!- წამოიძახა ჰარიმ.
- მოიცადე, გესმის?!- ყურის ქვეშ ხელი ამოიდო რონმა.- ვიღაც ყვირის! ღმერთო ოღონდ ჰერმიონი არ იყოს!
ხმას გაჰყვნენ და დაინახეს რომ ჰერმიონი ხეზე თოკებით იყო მიბმული,
პირზე სკოჩი აეკრათ, სახეზე ფერი აღარ ედო, გვერდით მაქცია გრეიბექი ედგა, წინ კი... ბელატრიქს ლესტრეინჯი! მას წინ ცოცხალი ბელატრიქს ლესტრეინჯი ედგა და უყვიროდა!
- არ ვიცი როგორ მაგრამ ჩემი აზრით
ჰორკრუქსებმა გიშველეს ბელა!- ბელატრიქსს წინ აეტუზა გამწარებული რონი.
უცებ ჰარიც გამოვარდა და გრეიბექს გაშეშების შელოცვა ესროლა,რონი ჰერმიონს მივარდა და თოკები გახსნა, ჰერმიონმა პირიდან სკოჩი აიხია და ტელეფონს და ჯოხს ხელი დაავლო, მერე ჰარიმ რონმა და ჰერმიონმა ერთმანეთს ხელები ჩაკიდეს და ის იყო იმ გულისამრევ სიბნელეში უნდა გახვეულიყვნენ, რომ ჰარიმ ბელატრიქსს "სექტუსემპრა" სტყორცნა, მაგრამ ალბათ სხვა ვინმეს მოახვედრა, რადგან ყვირილი ყურთან ახლოს მოესმა.
